21
февраль
2023
Семинар
Озат тәжірибе -көпке ортақ
2023 жылдың 21 ақпанында «№4 орта мектеп базасында» бастауыш сыныптар арасында «Бастауыш сынып оқушыларының ойлау,сөйлеу қабілетін үйлесімді дамыту арқылы шығармашылық ізденістерін қалыптастыру» тақырыбында аудандық семинар өтті.Семинар Іле аудандық білім беруді дамыту оқу-әдістемелікорталығының жоспарына сәйкес,әдіскер Г.Т.Турманбетованың және мектеп басшысы Л.К.Орманбаеваның ұйымдастыруымен жоғары деңгейде өтті.Семинарға аудан мектептерінен 50 мұғалім қатысып,әдістемелік қоржындарына құнды мәліметтерді олжа етіп қайтты деп айтуға болады.
Семинардың «Бастауыш сынып оқушыларының ойлау,сөйлеу қабілетін үйлесімді дамыту арқылы шығармашылық ізденістерін қалыптастыру,жаңа форматта оқыту жүйесін тәжірибеде қолдану арқылы мұғалімдердің кәсіби өсуіне қолдау көрсету » мақсатын негізге ала отырып, 11сабақ пен 1коучинг өткізілді.
Семинарда бастауыш сынып мұғалімдері Қырғызбекова А, Жумабаева А, Каргабаева А.М, Кожаева А.А,Чаимбекова А. К, Сейтканова А.А , Сергазиева Б,Аязбекова Г,Батырханова Б,Сейтханова Н ,Джумабекова Г сабақтарында тиімді әдіс-тәсілдерді қолдана отырып, сабақтары жоғары деңгейде өтті.
Бастауыш сыныптың мұғалімі Сергазиева Б.С. «Жаңа форматтағы мұғалім» тақырыбында өткен коучинг барысында түрлі әдістерді қолдана отырып психологиялық ахуал туғызды. Семинар соңында сабақтар талданып,мұғалімдер кері байланыс жасады.