2018-2019 оқу жылындағы оқу-тәрбие үрдісінің талдауы

№4  орта мектебінің  2018-2019  оқу жылындағы оқу-тәрбие үрдісінің талдауы

Жалпы мәлімет. Мектеп ғимараты 1976 жылы салынған. 640 оқушыға арналған үш қабатты типтік ғимарат. Мектеп бойынша оқу кабинеттерінің жалпы саны-35. Оның ішінде: технология 2, компьютер кабинеті-1, спорт залы-1, мәжіліс залы-1, психолог кабинеті-1, интерактивті тақталы биология кабинеті-1, асхана-1, медбике кабинеті-1, стоматолог кабинеті-1. 

Мектептің Қазақстан Республикасының Заңнамасы шеңберіндегі құрылтай құжаттарға сәйкес барлық құжаттары бар. (заңды тұлғаны мемлекеттік қайта тіркеу туралы куәлік №991240002109, ҚР салық төлеушісінің куәлігі №090400013297, білім беру ұйымының жарғысы, жалпы орта білім беру саласында қызметін жүргізу құқығын беретін мемлекеттік лицензия №0012366, техникалық паспорт, СЭС-тің анықтамасы мен қорытындысы, мед.кабинет лицензиясы №005829. Мектеп ғимаратындағы алаңы 143 ш.м. болатын асханасы 01.09.2011-06.08.2012 ж. мерзімінде жалға беру шартын Алматы облысының қаржы басқармасымен келісім-шарт негізінде жеке кәсіпкер Іле ауданы , Жапек батыр ауылы Абай көшесі №17 мекен жайында орналасқан №4 орта мектеп ғимаратындағы алаңы 143 ш.м. болатын асхананы 25.06.2012 ж. мерзімінде жалға беру шартын Іле аудандық  қаржы басқармасымен келісім-шарт негізінде жеке кәсіпкер ИП Дүйсебек А.К   мемлекеттік тіркеу туралы куәлік Сериясы №30\15 02.апрель 2015-31.12.2015  жылға жалға алған, мемлекеттік тіркеу туралы куәлік сериясы 06915 №0087604 жалға алған. Соңғы үш жылдағы бұйрық кітабы, сабақ кестелері, қызметшілерге арналған нұсқаулар, педагогикалық кеңестің, әдістемелік бірлестіктердің жұмыс жоспары мен хаттамалары, алфавиттік кітап, сыныптардағы оқушылар контингенті туралы мәлімет, жалпыға бірдей міндетті оқумен қамту туралы мәлімет, оқушыларды қабылдауға, ауыстыруға байланысты құжаттар, оқушылардың жеке құжаттары, оқушылар қозғалысының соңғы үш жылдығының мәліметтері (ОШ-1, РИК-76, РИК-83) қатаң есептік оқушыларды тіркеу және шығару туралы мәліметтер).

Oқу – тәрбие жұмысына талдау

1.1. Оқу қызметінің талдауы

2018-2019 оқу жылында  педагогикалық ұжымның жұмысы келесі міндеттерді жүзеге асыруға бағытталды:

1.  Оқушылардың білім сапасын арттыру:

а)    оқушылардың білім беру стандарттарының мазмұнын меңгеруі;

б) оқытудың саралау нысанын жетілдіре отырып, оқушының жеке ерекшеліктерін дамыту;

в) оқушыларда білімдерін әртүрлі деңгейдегі зияткерлік конкурстарда қолдана білу біліктерін қалыптастыру;

г)    заманауи ақпараттық технологияларды қолдану;

д) 10-11 сынып оқушыларына бейіндік оқу үшін қажетті негіз құру;

е)    диагностика бойынша жұмысты жалғастыр:

• Жаңадан келген оқушылардың бейімделуі;
• Оқудың әр кезеңінде оқушылардың анықталған білім деңгейі;
• Оқушылардың даму деңгейінің динамикасын бақылау.

ж) қосымша білім берудің  ұйымдастыру-педагогикалық ахуалын  оңтайландыру негізінде, пәндер бойынша сабақтан тыс қызмет жүйесін жетілдіру;

з) мұғалімнің кәсіби құзіретін жетілдіру.

1. Білім беру жүйесін жаңғырту жағдайында,  рухани дені сау,  физикалық дамыған тұлға қалыптастыру:
2.  Материалды-техникалық базасын дамыту.

Мектепте  педагогикалық үрдісті дамытуға қолайлы жағдай жасалған.  Оқу-тәрбие жұмысының  міндеттерін шешу бойынша жұмыс ғылыми-әдістемелік сипатта және диагностикалық негізде құрылған. 

Мектептегі   білім беру қызметі

2018-2019 оқу жылында  4, 9, 10-сыныптар жаңартылған білім мазмұнына көшеді. 

Жаңа оқу жылында:

1) мектепалды даярлық сыныптарында және 1,2 -сыныптарда білім беру процесі:

ü  ҚР Үкіметінің 2016 жылғы 13 мамырдағы № 292 қаулысымен бекітілген Мектепке дейінгі тәрбие мен оқытудың мемлекеттік жалпыға міндетті стандарты (бұдан әрі - МДТОМЖС);

• ҚР БҒМ 2016 жылғы 12 тамыздағы № 499 бұйрығымен бекітілген Мектепке дейінгі тәрбие мен оқытудың үлгілік оқу бағдарламасы (бұдан әрі – Үлгілік бағдарлама);

ü  Мектепке дейінгі тәрбие мен оқытудың үлгілік оқу жоспары (ҚР БҒМ 2016 жылғы 22 маусымдағы №391 бұйрығына 1-қосымша);

• ҚР Үкіметінің 2015 жылғы 25 сәуірдегі № 327 қаулысымен бекітілген Бастауыш білім берудің мемлекеттік жалпыға міндетті стандарты (бұдан әрі – ҚР МЖМБС-2015);

ü  ҚР Білім және ғылым министрінің 2016 жылғы 15 шілдедегі № 453 бұйрығымен бекітілген Бастауыш білім берудің үлгілік оқу жоспарлары;

• ҚР Білім және ғылым министрінің 2016 жылғы 8 сәуірдегі № 266 бұйрығымен бекітілген Бастауыш білім берудің жалпы білім беретін пәндерінің үлгілік оқу бағдарламалары;
• «Оқулықтардың, оқу-әдістемелік кешендердің, оқу құралдарының және басқа да қосымша әдебиеттердің, оның ішінде электрондық жеткізгіштердегі тізбесін бекіту туралы» Қазақстан Республикасы Білім және ғылым министрі міндетін атқарушының 2013 жылғы 27 қыркүйектегі № 400 бұйрығына өзгерістер мен толықтырулар енгізу туралы» ҚР Білім және ғылым министрінің 2017 жылғы 4 сәуірдегі №150 бұйрығымен бекітілген оқу басылымдары негізінде жүзеге асырылады.

2) 11-сыныптарда білім беру процесі:

• ҚР  Үкіметінің 2012 жылғы 23 тамыздағы № 1080 қаулысымен бекітілген Орта білім берудің (бастауыш, негізгі орта, жалпы орта білім беру) мемлекеттік жалпыға міндетті стандарты (бұдан әрі – ҚР МЖМБС-2012);
• «ҚР Білім және ғылым министрінің 2012 жылғы 8 қарашадағы №500 бұйрығына өзгерістер енгізу туралы» ҚР Білім және ғылым министрінің 2013 жылғы 25 шілдедегі № 296 бұйрығымен бекітілген Бастауыш, негізгі орта, жалпы орта білім берудің үлгілік оқу жоспарлары;
•  «ҚР Білім және ғылым министрінің 2012 жылғы 8 қарашадағы № 500 бұйрығына өзгерістер енгізу туралы» ҚР Білім және ғылым министрінің                         2013 жылғы 27 қарашадағы № 471 бұйрығымен бекітілген Бастауыш, негізгі орта, жалпы орта білім берудің үлгілік оқу жоспарлары;
• «ҚР Білім және ғылым министрінің 2012 жылғы 8 қарашадағы № 500 бұйрығына өзгерістер мен толықтырулар енгізу туралы» ҚР Білім және ғылым министрінің 2014 жылғы 25 ақпандағы № 61 бұйрығымен бекітілген Бастауыш, негізгі орта, жалпы орта білім берудің үлгілік оқу жоспарлары;
• ҚР Білім және ғылым министрінің 2013 жылғы 3 сәуірдегі № 115 бұйрығымен бекітілген Жалпы білім беретін пәндердің, таңдау курстарының және факультативтердің үлгілік оқу бағдарламалары;
• «ҚР Білім және ғылым министрінің 2013 жылғы 3 сәуірдегі № 115 бұйрығына өзгерістер енгізу туралы» ҚР Білім және ғылым министрінің 2014 жылғы 15 шілдедегі № 281 бұйрығымен бекітілген Жалпы білім беретін пәндердің үлгілік оқу бағдарламалары;
• «ҚР Білім және ғылым министрінің 2013 жылғы 3 сәуірдегі № 115 бұйрығына өзгерістер енгізу туралы» ҚР Білім және ғылым министрінің 2015 жылғы 18 маусымдағы  № 393 бұйрығымен бекітілген Жалпы білім беретін пәндердің үлгілік оқу бағдарламалары;
• «Білім беру ұйымдарында пайдалануға рұқсат етілген оқулықтардың, оқу-әдістемелік кешендердің, оқу құралдарының және басқа да қосымша әдебиеттердің, оның ішінде электрондық жеткізгіштердегі тізбесін бекіту туралы» ҚР  Білім және ғылым министрі міндетін атқарушының 2013 жылғы       27 қыркүйектегі № 400 бұйрығына өзгерістер мен толықтырулар енгізу туралы» ҚР Білім және ғылым министрінің 2017 жылғы 4 сәуірдегі №150 бұйрығымен бекітілген оқу басылымдары негізінде жүзеге асырылады. 

3)1- 4,5-9,10-сыныптарда білім беру процесі:

• ҚР Үкіметінің 2016 жылғы 13 мамырдағы № 292 қаулысымен бекітілген Негізгі орта білім берудің мемлекеттік жалпыға міндетті станедарты  (бұдан әрі – ҚР МЖМБС-2016);

ü  Қазақстан Республикасы Білім және ғылым министрінің 2016 жылғы 23 қарашадағы № 668 бұйрығымен бекітілген жалпы білім беретін пәндердің үлгілік оқу бағдарламалары;

• «Білім беру ұйымдарында пайдалануға рұқсат етілген оқулықтардың, оқу-әдістемелік кешендердің, оқу құралдарының және басқа да қосымша әдебиеттердің, оның ішінде электрондық жеткізгіштердегі тізбесін бекіту туралы» ҚР  Білім және ғылым министрі міндетін атқарушының 2013 жылғы       27 қыркүйектегі № 400 бұйрығына өзгерістер мен толықтырулар енгізу туралы» ҚР Білім және ғылым министрінің 2017 жылғы 4 сәуірдегі №150 бұйрығымен бекітілген оқу басылымдары негізінде жүзеге асырылады. 

Барлық жалпыға міндетті білім беру  стандарттары (бастауыш, негізгі, жалпы орта білім беру) және оқу бағдарламалары Ы. Алтынсарин атындағы Ұлттық білім академиясының сайтына орналастырылған. Мектеп үшін барлық МЖМБС және оқу бағдарламаларының  қағазға шығарылған бір нұсқасы болса жеткілікті. Мұғалім МЖМБС және оқу бағдарламаларының  электронды нұсқаларымен жұмыс істеуіне болады.

Қазақстан Республикасы Президентінің «Қазақстанның әлеуметтік жаңғыртылуы: «Жалпыға Ортақ Еңбек қоғамына қарай 20 қадам» бағдарламалық мақаласында берілген тапсырмаларын іске асыру    мақсатында ҚР Білім және ғылым министрінің 2013 жылғы  3 сәуірдегі №115 бұйрығымен бекітілген оқу бағдарламалары бойынша «Өлкетану» (7-сынып), «Абайтану» (9-11-сыныптар) таңдау курстарын оқыту ұсынылады.

2018-2019 оқу жылында Қазақстан Республикасының жалпы білім беретін мектептеріндегі оқыту  Қазақстан Республикасының «Білім туралы»              2007 жылғы 27 шілдедегі Заңының 5- бабының 14-тармақшасына , Қ.Р Үкіметінің 2012 жылғы 23 тамыздағы №1080 қаулысымен бекітілген Қазақстан Республикасы орта білім берудің / бастауыш,негізгі орта , жалпы орта білім беру / мемлекеттік жалпыға  міндетті білім беру стандартына өзгерістер енгізу туралы,  Қ.Р Үкіметінің 2015 жылғы 25 сәуірдегі №327 қаулысына қосымша  «Бастауыш білім берудің мемлекеттік жалпыға міндетті стандарты, 13.05. 2016 ж Қазақстан Республикасы Білім және ғылым Министрінің 2013 жылғы 27 қыркүйектегі №400 бұйрығына өзгерістер және 2016 жылғы             8 қаңтар №13, 2016 жылы 6 мамырдағы №309 бұйрықтары негізінде « Білім беру ұйымдарында пайдалануға рұқсат етілген оқулықтар мен оқу-әдістемелік кешендердің тізбесі, оқу –құралдарының және басқа қосымша әдебиеттердің ,оның ішінде электрондық жеткізгіштер тізбесін бекіту» және «Іле аудандық білім бөлімі» ММ №373 28.06.2016 жыл бұйрығын негізінде,  Қазақстан Республикасы   Білім және Ғылым Министрлігінің 2016 жылғы           27 маусымдағы  № 401 , Алматы облысы білім басқармасының  22.07.2016 жылғы “   Жалпы білім беретін  оқу орындарында  2018-2019 оқу жылының басталуы туралы» №398-н бұйрығы, Іле   ауданының білім  беру бөлімінің  26.07.2016 жылғы «Жалпы орта  білім беретін ұйымдарында  2017-2018 оқу жылының басталуы» туралы № 402   бұйрықтарын басшылыққа  ала отырып,  2018-2019 оқу жылына арналған бастауыш, негізгі, орта білім берудің типтік, 10-сыныпта қоғамдық-гуманитарлық,жаратылыстану бағыттары, 11-сыныпта жаратылыстану-математикалық және гуманитарлық  бағыты бойынша   оқу жоспары жасалынды.

            Орта білім берудің негізгі мақсат-міндеттерінің бірі  - білім алушылардың тұлғалық қалыптасуына, олардың рухани әлеуетін дамытуға, өзіндік әлеуетін анықтауға, өзін-өзі дара көрсете алуына жағдай жасау болып табылады. Бұл міндеттер 2012 жылғы мемлекеттік жалпыға міндетті бастауыш, негізгі, жалпы орта білім беру стандартына ҚР МЖБС сәйкес дайындалған оқу бағдарламалары мен оқу жоспары арқылы жүзеге асырылады:

Орта білім берудің негізгі мақсат-міндеттерінің бірі  - білім алушылардың тұлғалық қалыптасуына, олардың рухани әлеуетін дамытуға, өзіндік әлеуетін анықтауға, өзін-өзі дара көрсете алуына жағдай жасау болып табылады. Бұл міндеттер 2012 жылғы мемлекеттік жалпыға міндетті бастауыш, негізгі, жалпы орта білім беру стандартына ҚР МЖБС сәйкес дайындалған оқу бағдарламалары мен оқу жоспары және 2017-2018 оқу жылына арналған нұсқаулық-әдістемелік хаттың негізінде арқылы жүзеге асырылады.. Барлық сыныптар  және оқу сатылары бойынша оқушылардың максималды жүктемесі базистік оқу жоспарына сәйкес келеді. Жүзеге асырылып отырған оқу бағдарламалары  білім беру үрдісінің деңгейіне және бағытына сәйкес келеді.Барлық жүзеге асырылатын бағдарламалар ғылыми-әдістемелік қамтамасыз етілген. Барлық  1-11 сыныптағы  (І жарты-жылдық саны)                1743 оқушы оқу бағдарламасын меңгеріп, оқу жылын жетістікпен аяқтады. 

2018-2019 оқу жылында барлық пәндер бойынша оқу бағдарламалары орындалды.

Педагогикалық ұжымының басты міндеті - білім сапасын арттыру болып табылады.

Әдістемелік жұмыс

Әдістемелік жұмыс: проблемасы, құрылысы, міндеттері

Мектептің  әдістемелік  тақырыбы:«Мұғалімдердің инновациялық әдіс-тәсілдерді оқу үдерісіне енгізуді жетілдіре отырып, оқушылардың білім сапасы мен функционалдық сауаттылығын арттыру»

Мақсаты:мұғалімдердің  педагогикалық шеберлігін, шығармашылығын жетілдіріп, дамытуда тиісті әдістемелік көмек беру

 Міндеттері:

• Педагогикалық, ғылыми -әдістемелік  және  ұйымдастыру негіздерін білу;
• Мектеп  ұстаздарының   компьютерлік  сауаттылығын арттыру;
• Мұғалімнің  кәсіби   дамуына ықпал  жасау;
• Мұғалімнің  теориялық білімін практида  қолдану ортасын құру;
• Мұғалімнің өз  әдіс-тәсілін құрастыруға мүмкіндік туғызу;
• Жас  мамандар мен   тәлімгерлік мектебін құру;
• Әдістемелік оқулықтарды талқылау;
• Жаңа  ақпараттық   білім  беру  технологиясын іс-тәжірибесіне  қолдану негізі;
• Жаңа  ақпараттық технология  негізінде құрылған сабақтар алгоритмі;
• Мектепте анықталған проблемалармен  нақты жұмыс түрлерін құру (дарынды, үлгермеуші, үлгерімі  нашар оқушылар);
• Білім сапасын  арттыруда   оқушының  білімі мен  біліктілік деңгейін  нақты   бағалау;
• Мұғалімдердің білімін жетілдіру  мақсатында аудандық әдістемелік  кабинеті, облыстық мамандар кәсібін дамыту институты, “Дарын” орталығымен байланыста жұмыс   жүргізу;
• Мектептегі    оқу-тәрбие жұмысының  оқушының   толық   білім алуына мүмкіндік  беру;
• Мұғалімдерідің іс-тәжірибесін насихаттау және баспа   беттеріне жариялау;
• Педагог қызметін ғылыми -әдістемелік тұрғыда  талдау, бағалау, көмек көрсету, әдістемелік   бірлестіктердегі ғылыми әдістемелік жұмыстардың жандануына педагогикалық ықпал  ету, оқу-тәрбие үрдісінің деңгейін көтеруді әдістемелік  тұрғыда қамтамасыз  ету,әдістемелік кеңес жұмысының мазмұнын, бағыт-бағдарын айқындау, болжам  жасау;
• Мұғалімдер  мен оқушыларды ғылыми-зерттеушілік, шығармашылық жұмыстарға  баулу, ынталандыру.

КҮТІЛЕТІН НӘТИЖЕ

· Бәсекеге қабілетті тұлға қалыптасады;

· Ұлтымыздың құндылықтарын сақтай білетін, қазіргі  заманға сай сапалы біліммен қаруланған Отансүйгіш азамат тәрбиеленеді;

· Жаңа технологияларды жетік меңгерген, шығармашыл, жан – жақты (креативті)  мұғалімдер саны арта түседі

Кадрлар деңгейін талдау

               №4 орта мектебінде 153  педагог    мұғалімдер қызмет етеді.  Мектеп директоры – 1,  мектеп директорының  оқу- тәрбие ісінің  орынбасары -4, мектеп  директорының тәрбие ісінің  орынбасары-3 , соц.педагог – 1,  психолог – 2,  директордың  шаруашылық ісі жөніндегі орынбасары – 1, дефектолог -1, кітапханашы-1,  медбике –1, логопед -1

Мектеп  педагогикалық  кадрлармен толық  қамтылған,барлыгында педагогикалық білімі бар .  Өз өтініштерімен қабылданып, еңбек шарты бойынша жұмыс атқарады. Педагогикалық қызметкерледің  іс қағаздары талапқа сай жинақталған( жеке іс қағазы, фото 3*4, өмірбаян,  диплом көшірмесі ,өтініш , жеке төл құжат, санаты бойынша куәлік, сертификаттар) 

Еңбек кітапшасы жазылған , сабақ кестесі ,   лауазымдық міндеттері    анықталған.

1.Білімі  бойынша көрсеткіш:

2. Санаты бойынша көрсеткіш:

Берілген  кестеден,   мектепте жоғары санатты мұғалімдердің көбейгенін байқаймыз. 

Біліктілік аттестатциядан өткен мұғалімдер: 

Педагог- зерттеуші – 5 мұғалім: Л.Қ.Орманбаева, Ж.А.Абдибаева, З.С. Абдуллаева, Ж.Ж.Қуантаева, Д.Қ. Масалимова

Педагог – сарапшы –  13 мұғалім: Қ.Д.Абдукаликов, А.А.Қалабаева, З.К. Сагимбаева, О.А.Казенцева А.Х. Алдабергенова, Г.Б.Досбаева, М.Мелден, Ғ.С. Ізтілеу, Л.И.Амиргереева, А.М.Жумагулов, А.А.Кожаева, Д.У.Тунрекбаева, А.А.Қырғызбекова, 

Педагог – модератор – 8мұғалім:  А.М.Каргабаева, Е.Т.Ожаров, А.К.Камшибекова, Ж.Т.Хамитова, Д.Т.Ихсанова, А Кашкынбаева, Г.А.Нургалиева, Т.М Нурпеисова,

3. Жасы бойынша   көрсеткіш:

4.Еңбек өтілі бойынша көрсеткіш: 

   Бүгінгі күні мектепте 153 мұғалім , оның 134 жоғары білімді , арнаулы орта білімді- 19 . Жоғары санатты -16 , І санатты -46 , ІІ санатты – 54 , санаты жоқ мұғалімдер - 37 .

Әдістемелік бірлестікте 29.08.2018 жылы  №  227, № 228   бұйрықтарымен әдістеме жетекшілерін тағайындау және әдістеме бірлестіктерінің құрылуы туралы бұйрықтар шығарылған .

9 пән бірлестігі бар . Әр бірлестіктерде талапқа сай жоспарлары жасалған. Оқу жылы басында мұғалімдердің сапалық құрамы анықталды. І жарты –жылдық бойынша мектептің әдістемелік жоспарына сәйкес және өзекті мәселесінің міндеттерін  шешуге байланысты  жұмыстар әр бірлестікте атқарылды. 

1. Бастауыш пән бірлестігі:

ӘБ өзекті мәселесі:  Білім беру үрдісінде инновациялық технологиялар   арқылы оқушылардың білім сапасын арттырып, ғылыми-шығармашылық ізденістерін жетілдіре отырып,  өз білімдерін өмірде қолдана алатын білімді,елжанды тұлғаны қалыптастыру

2.Қазақ тілі мен әдебиеті пәндер бірлестігі:

ӘБ өзекті мәселесі: «Оқытудың жаңа әдіс-тәсілдерін қолдана отырып, оқушылардың білім сапасын арттыру, өз бетінше жұмыс істей алатын тұлға қалыптастыру» 

3.Ағылшын тілі пәндер бірлестігі

ӘБ өзекті мәселесі: « Білім  беру   үрдісін  инновациялық  технологиялары  арқылы   оқушылардың   білім  сапасын   арттыра  отырып, мұғалімдердің   ғылыми -шығармашылық  ізденістердің    жетілдіру » 

4. Математика, физика және информатика пәндер бірлестігі 

ӘБ өзекті мәселесі: «Математика мен физика пәндерін оқытуда инновациялық жаңаша оқыту технологияларын пайдалану арқылы оқушылардың теориялық және практикалық білімдерін қалыптастыру»

5.Орыс тілі мен әдебиеті пән бірлестігі :

Тема методической работы:

«Повышение качества знаний и функциональной грамотности учащихся путем внедрения современных методов с целью реализации принципов дифференцированного обучения русскому языку и литературе в условиях перехода на профильное обучение»

6.Технология,музыка,сурет-сызу пәндер бірлестігі : 

ӘБ өзекті мәселесі: «Оқытушының шығармашылық шеберлігін арттыра отырып, тиімді педагогикалық технологиялар  арқылы оқушының танымдық қабілетін  дамыту».

7.Дене   шынықтыру  әдістеме  бірлестігі:

Әдістемелік бірлестіктің  өзекті мәселесі « Оқытудың жаңа әдіс-тәсілдерін қолдана отырып, оқушыларды шығармашылыққа, салауаттылыққа баулу. Пәнге деген қызығушылықтарын   арттыру» 

8.Тарих  пән бірлестігінде

Тарих пәні бірлестігінің өзекті мәселесі: «Озық технологияларды пайданана отырып, оқытудың  тиімділігін арттыру. Оқушылардың білімге деген қызығушылығын  дамыту. Алған білімдерін талдап, өмірде  пайдалануға үйрету  »

9. «Химия- биология, география пән бірлестігі 

Өзекті мәселесі: «Оқытудың жаңа әдіс –тәсілдерін қолдану арқылы оқушылардың танымдық белсенділігімен көшбасшылық қабілеттіліктерін қалыптастыра отырып, ұлттық құндылықтарды меңгерген тұлға тәрбиелеу»

2018 жылдың 29- тамызында жоспарға сәйкес барлық әдістеме бірлестіктерінде   отырыстар өткізілді. Отырыста  әдістеме мүшелеріне  2017-2018 оқу жылында жүргізген жұмыстардың қорытындысы жасалынып, 2018-2019 оқу жылында ҚР-ң орта білім беру ұйымдарының негізінде оқыту ерекшеліктері туралы нұсқау хатпен таныстырылды. Барлық пән мұғалімдерінің пәндік күнтізбелік жоспарлары бағдарламаға сай жасалынып, бекітілуге ұсынылып, бекітілді . 

2018-2019  оқу жылында оқытылатын оқулық авторларымен таныстырылып, дәптердің қолданылу үлгілері мен бақылау жұмыстары нормаларының ерекшеліктері туралы айтылды. 2018-2019 оқу жылында оқытылатын оқу жоспарының вариативтік бөлігінің таңдаулы курстары мен қолданбалы курстары бекітілді .

1. 2018-2019 оқу жылының   І тоқсаны бойынша өткізілген әдістемелік жұмыстарға тоқталатын болсақ, жоспар  бойынша «Тілді құрметтеу - Отанды сүю» тақырыбында мектепішілік тілдер апталығы өткізілді. Ұсыныс: 

1.  Оқушылардың  іс-әрекетіне негізделген сабақтар өткізу  арқылы білім сапасын артыру.
2. Мемлекеттік тілді меңгеруші басқа ұлт өкілдеріне қолдау көрсету.
3. Мұғалімдердің кәсіби құзыреттілік деңгейін көтеру.
4. Оқушылардың сабақтан тыс іс-шараларының мазмұнын жақсарту.       

1. 23– 28  қазан аралығында дене тәрбиесі пән апталығы өтті. Жоспары құрылды, бекітіліп, жоспарланған  жарыстар мен ашық сабақтар өз деңгейінде, уақытылы өткізілді. Апталықта жоспарланған   ашық сабақтардың барлығы дер кезінде   өткізілді.  11 мұғалім  ашық сабақ берді.
2. 11-16 желтоқсан аралығында бастауыш сынып пән бірлестігіні апталығы болып өтті. Тақырыбы: «Жаңартылған білім беру мазмұны бойынша оқытудағы  жаңа әдіс тәсілдер қолданудың тиімділігі » Мақсаты:  Бастауыш сынып  оқушыларының оқу сапасын  арттыруда «Жаңартылған білім бағдарламасының тиімділігі, «Жаңа форматта оқыту» жүйесін тәжірибеде қолдану арқылы мұғалімдердің кәсіби өсуіне қолдау көрсету»

Ұсыныс: Апталық сабақтары жақсы деңгейде өтті. Мұғалімдер өз сабақтарында АКТ мен жұмыс, дарынды  оқушылармен жұмыс, топпен жұмыс түрлерін және бағалау түрлерін көрсете білді. Бірақ, кейбір сабақ кезеңдері арасында жүйелілік сақталынып, формативті бағалау түрлерін  қолданылу нәтижесі төмен болды. Әріп элементтерін мұғалім тақтада, ауада жазып көрсетіп, жұптық және жеке оқушылармен жұмысты жандандырып,   оқулықпен жұмыс жүргізіп, оқудың түрлерін қолдану керек. 

Ұсыныс: 

1. Озат тәжірибе тарату мақсатында семинарлар, жас мамандарға дәріс-сабақтар көрсету.
2. Жаңартылған білім мазмұны бойынша сабақтың барысын жандандыру. 

1. 2018 жылдың 13 қазан күні  «Использование инновационных технологий на уроках русского языка и литературы» тақырыбында орыс тілі пән бірлестігі аудандық семинар өткізді.

 Цель семинара: «Применение современных технологий- показатель педагогической компетентности современного педагога и средство повышения функциональной грамотности у учащихся» 

Решение:

1.По отзывам учителей Илийского района , районный семинар на тему: «Использование инновационных  технологий на уроках русского языка» прошел на высоком методическом уровне.

2.Развивать творческие способности учащихся, повышать функциональную грамотность у учащихся через применение инновационных технологий.                

5.     27-30 қараша күндері арасында Кембредж бағдарламасы бойынша оқыған  мұғалімдер арасында пән апталығы жоспарлы түрде өткізілді. Жоспары құрылып, бекітілді. Апталық кезеңде 2 мұғалім коучинг, 7 мұғалім ашық сабақтар өткізілді. Коучинг өткізген мұғалімдердің сабақтары өте тартымды өткізілді.

Ұсыныс:1.Ашық сабақтар   айына бір реттен өткізіліп отырса.

                 2.АКТ  әр сыныпта болса,сабақты түрлендіре өткізіп отырса.

                 3. Сабақтарды баспа беттеріне шығару.

1. 2018жылдың 12 қазан күні технология пәнінен инновациялық әдіс -тәсілдерді пайдалану арқылы   оқушылардың бойында  ұлттық танымдық  қабілеттерін дамыту және эстетикалық талғамдарын арттыру мақсатында   «Инновациялық   әдіс-тәсілдерді  пайдалану арқылы оқушылардың белсенділігін іс- тәжірибеде көрсету» тақырыбында  аудандық семинар болып өтті.   

Кемшіліктер: 

1. Мектеп мұғалімдері ЖББ бойынша толық курстан өтіп сертификатталған, екінші жыл эксперименттік жобаны мектепте қолдананып келеді. Дегенмен ЖББ технологиясын сабағында қолданылмай отырған мұғалімдер бар.

Ұсыныстар: 

1. Сабақта ЖББ технологиясын мұғалімдердің толық деңгейде қолдануын бақылау.

2. ЖББ курстан өткен мұғалімдердің сабақ үдерісінде әдіс – тәсілдерді тиімді қолдану арқылы оқушылардың қызығушылығын арттыру;

          7.Мұғалімдердің баспасөз арқылы іс- тәжірибелерінің таратылуы

2018-2019 оқу жылында    баспа бетінде жарық көрген материалдар аз болғанымен шығармашылықпен жұмыс жасап оқу бағдарламалары мен әдістемелік құралдар шығарған мұғалімдер саны артты. Оның ішінде «Бастауыш сынып» журналы, «Биология анықтамалылығы», «Астана дарыны», «Педагог», «Білім және ғылым», «Бағдарлы мектеп және кәсіптік білім», «12 жылдық білім беру», «Білімдегі жаңалықтар» журналдары мен «Мектеп ұстаздарының әлемі» республикалық педагогикалық сайты.

Кемшіліктер: Мұғалімдердің баспасөзге мақалалар беру арқылы өз іс- тәжірибелерін таратуы толық деңгейде орындалмады.      Ұсыныстар: Баспасөзге мақала беру және мұғалімдердің озат тәжірибесін тарату жұмыстарын жандандыру. 

2018-2019 оқу жылының бойынша дарынды оқушылардың ғылыми жоба жарыстарына қатысу нәтижесі және жүргізілген жұмыстарға талдау

«... Бізге керегі шын дарындар. Нарық қол-аяғымызды қалай қыспасын, мемлекет өзінің талантты ұлдары мен қыздарын, нағыз әдебиет пен өнерін жасайтын тарланбоз жүйріктерін қолдауға, қорғауға міндетті.» 

                                                                                                                                                                                                                                  Н.Ә.Назарбаев.

Мектеп – білім берудегі бар мүмкіншілікті қамтамасыз ететін білім ошағы. Өз ұлтын, тілін сүйіп, қастерлейтін адам ғана, сонау әлімсақтан мирас болып келе жатқан ата-ананы, үлкенді сыйлау, кішіге қамқорлық, мейірбандық, инабаттылық көрсету сияқты ізгі қасиеттердің иесі бола алады. Қазақ жастары осындай ұлтжандылығымен, өздеріне тән ұлттық болмысымен және рухани тазалығымен ерекшеленуі тиіс. Ар-намысын жоғары ұстаған ел ғана басқа ел алдында әрдайым абыройлы, сыйлы болмақ. Міне осы тұрғыда мектеп мұғалімдерінің алдындағы басты назар аударатын міндеттердің бірі білімді де тәрбиелі тұлға тәрбиелеуге бар күштерін жұмылдыру. 

Бүгінгі білім берудегі тәжірибе оқушылардың әртүрлілігін көрсетіп отыр. Білім берушінің алдындағы басты назар аударатын негізгі міндеттердің бірі – дарынды балаларды анықтап, оларға адамгершілік қасиеттерді дарыту, шығармашылыққа үйрете отырып, терең біліммен қаруландыру. Интеллектілері шығармашылыққа жақын сараптай алатын, байланысын сезе алатын өте жақсы дамыған оқушылар өз қатарларынан өзгешелініп тұрады. Олар өздерін қызықтыратын сұраққа үнемі жауап іздеп, білімқұмарлықтарымен және өзіндік ізденімпаздықтарымен көзге түседі. Дарынды балалар мектепке баруға құлшынады, сабаққа барған кезде осындай дарынды балалармен қиын жағдайға ата-аналарда, оқытушылар да тап болады. Осындай білімқұмар балаларға сынып іші жалықтырып жібереді. 

Дарынды балалармен жұмыс жүргізудің мақсаты:

1. Баланың шығармашылық қабілетін және өз бетінше шығармашылық ізденісін дамыту;
2. Пәнге терең қызығушылығын арттыру;
3. Оқушының әсерлілік сезімін қалыптастыру;
4. Оқушының белсенділігін арттыру мақсатында даму деңгейін, танымдық белсенділігін арттыра оқыту;
5. Жалпы білім-білік дағдыларын дамыта оқыту;
6. Білімнің бағасын арттыру.

Дарынды оқушылармен жүргізілетін жұмыстың міндеті:

1. Оқушылардың ғылымға деген қызығушылығын арттыру,
2. Шығармашылық қабілеттерін дамыту, жан-жақты дамуына жеке адамдық ерекше көңіл бөлу,
3. Оқушыны қоршаған ортаны аялауға, ғылыми зерттеу дағдыларын қалыптастыруға тәрбиелеу.

   2018-2019 оқу жылында, дарынды балаларды зияткерлік дамытудың жоғары деңгейіне жету үшін қолайлы жағдайлар жасау бойынша мектеп ұжымымен үлкен жұмыстар атқарылды. 

   2018-2019 оқу жылында дарынды балалармен жұмыс бойынша мектеп қызметін үйлестіру «Дарынды балалар» бағдарламасы негізінде дарынды балаларды анықтауға, қолдау көрсетуге және дамытуға жағдай жасау мақсатында, жүзеге асырылады.

«Болашақта еңбек етіп, өмір сүретіндер-бүгінгі мектеп оқушылары, мұғалім оларды қалай тәрбиелесе, Қазақстан сол деңгейде болады. Сондықтан ұстазға жүктелетін міндет ауыр», -дей отырып Елбасы Н.Ә.Назарбаев  қазіргі заман мұғалімінен тек өз пәнінің терең білгірі болуды ғана емес, тарихи танымдық, саяси экономикалық білімділік, педагогикалық-психологиялық және ақпараттық сауаттылықты талап етеді. 

2018-2019 оқу жылында оқушылардың ғылыми зерттеуге қызығушылығын қалыптастыру мақсатында жоспарланған іс-шаралар жүргізілді.

   2018-2019 оқу жылында, дарынды балаларды зияткерлік дамытудың жоғары деңгейіне жету үшін қолайлы жағдайлар жасау бойынша мектеп ұжымымен үлкен жұмыстар атқарылды.

   2018-2019 оқу жылында дарынды балалармен жұмыс бойынша мектеп қызметін үйлестіру «Дарынды балалар» бағдарламасы негізінде, дарынды балаларды анықтауға, қолдау көрсетуге және дамытуға жағдай жасау мақсатында, жүзеге асырылады.

2018-2019 оқу жылында  дарынды балалармен жүргізілетін жұмыс жоспары жасалынды. 

2018-2019 оқу жылында педагогикалық ұжымның негізгі міндеттері төмендегідей болды:

- дарынды балалардың шығармашылық әлеуетін дамытуды ынталандыру, ғылыми-зерттеу және іздену қызметі үрдісінде олардың шығармашылық қабілеттерін жүзеге асыру үшін жағдай жасау;

- дарынды балаларды мақсатты түрде анықтау және ірікте жүйесін құру, әр баланың жеке қабілеттерін дамыту, оқушылардың   ғылыми-зерттеу қызметін жүзеге асыру бойынша жұмысты жалғастыру;

- дарынды балалар банкын толтыру;

     Осы міндеттеме шеңберінде аянбай жұмыс жасап, баланы заманына қарай икемдеп, өз заманының озық өнегесін оқушының санасына сіңіре отырып, оларға шығармашылық бағытта жан-жақты дамуына талап қоя білген ұстаздардың әр-түрлі ғылыми жобаларда байқауларда еңбектері жемісті болды. 2018-2019 оқу жылында І- жарты жылдық бойынша мектептегі «Зерде»  орталығының жұмысының жоспары құрылып, жұмыс жоспарына сай іс-шаралар жүргізілді.

Дарындылық-адамзаттың керемет бір қасиеті. Осындай ерекшелігі бар әр баланы, оның мүмкіндігін ашуға, дамытуға мектеп және мұғалімдер тарапынан жағдайлар жасалынып, мектепішілік және аудандық  жарыстарға қатыстырылып отырады. Дарынды балалардың шығармашылық ойлауын дамыту, зерттеушілік жұмыс  дағдыларын   қалыптастыруға және белгілі бір ғылым саласында өз білімін жетілдіруге, дамытуға талаптанған оқушы жастарға көмектесу мақсатында 2-3 қазан аралығында 1-11 сыныптар арасында мектепішілік   «Зерде», «МАН», «Дарын» оқушылардың ғылыми зерттеу жұмыстарын тексеріп, іріктеу кезеңдері өткізілді. «Зерде» оқушылардың зерттеу жұмыстарының шығармашылық жобасына 1-7 сыныптар арасында 17 оқушы «Дарын», «Кіші Ғылым   Академиясы» ғылыми-практикалық конференциясына 8-10 сыныптар арасында -10 оқушы,  «Дарын» ғылыми конференциясына 2 оқушы қатысып, дайындап келген жұмыстарын толық, кең көлемді, ауқымды  материалдармен, шығармашыл көзқараспен өз жобаларын дайындап, ұсыныстарын ортаға салды. Сондай-ақ әр оқушы берілген тапсырмаға жауапкершілікпен қарау мен қатар ғылыми жарысқа ұсынылған ғылыми жобалар мен олардың орындалуына қойылған талаптарының ескеріліне аса назарда  ұстануында, айтылған кемшіліктерді түзету мақсатымен ескертулер, ұсыныстар айтылды. 

Мектепішілік «Зерде» ғылыми-зерттеу жобасына 1-7 сыныптар арасында 17 оқушы қатысып, соның ішінде 17 оқушы аудандық ғылыми жобаға жолдама алып, нәтижесінде І орын - 9, ІІ орын -6 оқушы, ІІІ орын-1 оқушы алды.

І орын алған оқушылар:

1.  4 сынып оқушысы Ақмұрзаев Мансұр, жетекшісі Қожаева Алия Абдиразаковна
2. 4-сынып оқушысы Толтай Нұрасыл, жетекшісі Джумабекова Гульжан Тулебаевна
3. 4-сынып оқушысы Загуменный Фаррух,  жетекшісі Сейтханова Назипа Айтпаевна
4. 4 сынып оқушысы Перелыгина Ксенья, жетекшісі  Сейтханова Назипа Айтпаевна
5. 2- сынып оқушысы Дулатбек Балауса, жетекшісі Бейсембаева Мақпал Жумабековна
6. 6-сынып оқушысы Мухамметказина Әсем, жетекшісі Манкеева Ардақ Белековна
7. 7-сынып оқушысы Тойғанбаев Ерасыл, жетекшісі Бабаева Райхан Алиевна
8. 6-сынып оқушысы Қуандық Арайлым, жетекшісі Калабаева Алия Амангалиевна
9. 5-сынып оқушысы Керимкулова Диана, жетекшісі Сагимбаева Зауреш Карибаевна
10. 6-сынып оқушысы Сағындық Аружан, жетекшісі Бекшебаева Айнур Ильшатовна 

ІІ орын алған оқушылар:

1. 3 сынып оқушысы Жәнібекқызы Алия, жетекшісі  Аязбекова Гульнафис Торехановна
2. 3- сынып оқушысы Меліс Бағдат , жетекшісі Қырғызбекова Анаргүл Алмабековна
3. 4- сынып оқушысы Қожакелді Заңғар, жетекшісі Сапарбаева Мейрамгул Абдрахманқызы
4. 7-сынып оқушысы Ақылбек Аяулым, жетекшісі Хасен Құндыз
5. 7-сынып оқушысы Ернарқызы Қарақат, жетекшісі Хасен Құндыз
6. 6-сынып оқушысы Халматова Рената, жетекшісі Ратова Айгерим Ережеповна

ІІІ орын алған оқушылар:

1. 6-сынып оқушысы Амантай Ақерке, жетекшісі Құдабаева Ақнұр Қалмаханқызы

Аудандық «Зерде» ғылыми-зерттеу жобасының қорытындысы бойынша көрсеткіші

Сонымен бірге, «ҚҒА» ғылыми практикалық конференцияға қатысқан 10 оқушының 10 оқушысы ауданға жолдама алып, І орын - 2 оқушы, ІІ орын - 1 оқушы,   ІІІ орын – 4 оқушы алды. 

І орын иегерлері

1. 9 сынып оқушысы Мусаев Мәди , жетекшісі Ахатаева Алма Абдуовна
2. 9 сынып оқушысы Қуанышбай Ақжүніс, жетекшісі Сандина Сәуле Нурсалимовна 

ІІ орын иегерлері: 

1. 11 сынып оқушысы Әділет Айерке жетекшісі Сулейменова Мейрамгуль Жумабаевна

ІІІ орын иегерлері

1. 8 сынып оқушысы  Құрышбек Дінмұхамед, жетекшісі Жалғасова Қалима Қорғанқызы
2. 10 сынып оқушысы Ильяс Ажар, жетекшісі Уразбаева Айгерим 
3. 8 сынып оқушысы Нұрқанат Мөлдір жетекшісі Райымбекова Жадыра Жанатовна
4. 9 сынып оқушысы Ықсан Меруерт жетекшісі Дәркембаева Эльмира Ыбрайымқанқызы

«КҒА» ғылыми практикалық конференциясына қатысқан оқушылардың қорытындысының көрсеткіші

Аудандық«Дарын» ғылыми конференциясына 2 оқушы қатысып, 2 оқушы   орын алды.

ІІ орын иегері

1. 10 сынып оқушысы Ниетбай Айдын, жетекшісі Сулейменова Мейрамгуль Жумабаевна 

ІІІ орын иегері

1. 10 сынып оқушысы Айтпанбет Махаббат, жетекшісі Абуова Камила Достаевна

Аудандық олимпиадаға өткен оқушылар тізімі

Пәндер олимпиадасының аймақтық кезеңіне 19 оқушы қатысып, 19 оқушы аудандық пән олимпиадасына қатысып, 18 оқушы жүлделі орындар алды. ІІІ орын- 10 оқушы, ІІ орын   5 оқушы, І орын 3 оқушы  иеленді. Пән олимпиадасынан 1 орын алған 3 оқушы облыстық кезеңге қатысып, облыстық пән олимпиадасынан 3 оқушы  орын иеленді. Олар:

ІІ орын иегері

1. 10 сынып оқушысы Махамбетияр Мөлдір жетекшісі Абдуллаева Эльфия Адынаевна

ІІІ орын иегерлері:

1. 11 сынып оқушысы Усенова Жансая жетекшісі Калабаева Алия Амангалиевна
2. 10 сынып оқушысы Бекшебай Диас жетекшісі Бекшебаева Айнур Ильшатовна

Аудандық Әбіш оқуларына Ә.Кекілбаевтың шығармаларынан сахналық қойылым бағыты № 4 орта мектеп оқушылары қатысып, жүлделі орынды иеленді. Жетекшісі Абдуллаева Эльфия Адынаевна.  

«Тіл-парасат» байқауының жүлдегері 

/өзге ұлт оқушылары үшін/

Республиканский конкурс сочинений    «История моей страны»

«Бейбітшілік әлемі» Халықаралық бірлестігінің құрметіне арналған «Мәңгі ел, Қазақстаным!» фестивалінің иегерлері

Спорт бойынша жетістіктер

Аудандық Қадыр оқулары

(

Аудандық «Абай оқулары» орыс сыныптары арасында

«Ақбота» интеллектуалдық байқауы

Бастауыш сыныптар  бойынша оқушылардың жетістіктері

   Дарынды  балалармен жұмыстағы бірлескен қызметті бағаламауға болмайды, себебі коммуникативтік білімдерінің қалыптасуы, кейін олардың әлеуметтік бейімделуіне тікелей әсер етеді.

   Жаратылыстану бағытында ботаника, экология, валеология, зоология, генетика, ауыл шаруашылығын тәжірибесі, география, геология, химия, биология, медицина, физиология, орман шаруашылығы т.б секцияларын ұйымдастыруға болады.

   Математика саласын тереңдетіп оқытатын жағдайда автоқұрастыру, өнертапқыштық есеп, математика, теориялық және қолданбалы физика, электрофизика, математика, бағдарламалау, автоматика, кибернетика, прибор құрастыру, секцияларының мүмкіндігі зор.

   Бүгінгі таңда қоғам мүшелерінің қысқы оқуға жиналулар мен жазғы оқу танымдық лагерлері дәстүрге айналды. «Жас заңгер», «Жас медик», «Жас тілші», т.б университеттер қазірдің өзінде біраз табыстарға жетті.

   ОҒҚ жұмысының негізгі жұмыс принципі зерттеу жұмысын өмірмен, өмірмен байланыстыру болып табылады.

    Зияткерлік ойындар өткізудің басты мақсаты балалардың шығармашылық мүмкіндіктерін дамыту, зияткерлік әлеуеттерін ашу, жаңа таланттарды анықтау, Халықаралық зияткерлік ойындар мен конкурстарға қатысу оқушылардың өз ой-өрістерін кеңейтуге, өз білімдерін, эрудициясын және ойын қолдануға, стандартты емес жағдайларда шешім қабылдай білуге, жеткіліксіз уақыт жағдайында командада жұмыс істей білу дағдыларын қолдана білуге мүмкіндік береді.

Ұсыныс:

1. Оқушыларды тәрбиелеуде және дамытуда сабақтастықтың болмауы;
2. Пән мұғалімдері мен педагог-психолог арасында дарынды балалармен жұмыс істеуде тығыз байланыстың болмауы;
3. Сабақтың неғұрлым тиімді нысандарын іздеу-жеке сабақтар, ғылыми-зерттеу қызметі, бірлескен шығармашылық қызмет;
4. Облыстық, республикалық, халықаралық дәрежеде дарынды оқушыларды дайындауда нәтижелі жетістікке жету мақсатында жұмыс істеуге бағыттау;
5. Олимпиада материалдарын танымдық ғылымилық жағынан тереңдетілу.

2018 – 2019 оқу жылында №4 орта мектеп бойынша   дарынды  балалармен 

 жұмыс атқару   нәтижесі  мен рейтингі

Тұжырымдамалар мен ұсыныстар:

  1. Әдістемелік жұмыс шеңберінде нәтижені болжау, мониторинг жүргізу, тәуекелдер мен оң сәттерді есептей білу қажет .
 2. Әдістемелік міндеттерді жүзеге асыру барысында келесі мәселелер анықталды:
     - Құзіретті педагогика аясында  заманауи сабақты жобалай білуді үйрену;
     - Өздігінен талдау және өзін-өзі бағалау арқылы сабақ мониторингы әдістерін меңгеру;

    - Оқудың барлық сатылары оқушыларының оқу уәждемесін арттыру бойынша педагог қызметін жетілдіру.
     - Мемлекеттік тілді меңгеруші басқа ұлт өкілдеріне қолдау көрсету.

    - Мұғалімдердің кәсіби құзыреттілік деңгейін көтеру.

     - Оқушылардың сабақтан тыс іс-шараларының мазмұнын жақсарту.       

«Талапкер »  жас мамандар мектебі 

Білекке сенген заманда ешкімге есе бермедік

Білімге сенер заманда қапы қалып жүрмелік.

                                                                    Абылай хан.  

Тақырыбы:  « Оқу –тәрбие үрдісінде шығармашылық ізденіске баули отырып , инновациялық белсенділік танытушы мұғалім тұлғасын қалыптастыру»

Жас мамандармен жүргізілетін жұмыстардың мақсаты мен міндеттері  

Мақсаты  : 

1.  Педагогикалық ұжымдағы жас мамандарды бүгінгі мектеп дамуындағы оқу-тәрбие процесінің  жүргізілу жүйесімен таныстыра отырып,  жас маманның теориялық білімін практикамен ұштастыруға жағдай жасау ,оқытудың жаңа технологияларын тәжірибесіне тиімді қолдануға үйрету. 

Міндеттері:  

• Жас педагогтарға кәсіби бейімделуде көмек көрсету .
• Кәсіби деңгейін анықтау
• Педагогикалық тәжірибедегі қиындықтарды айқындау  және олардың алдын алу бойынша шараларды қолдану
• Жас педагогтарды өз бетінше білім алу ,біліктілігін қалыптастыруға ықпал  ету, тәрбиелеу
• Педагогтың шығармашылық қызметінің жеке үлгісін қалыптастыруға көмек беру 
• Оқушыларды білім беру мен тәрбиелеуде оқытудың  жаңа технология мен әдістерін қолдануын қалыптастыру;
• Нормативті-құқықтық құжаттармен таныстыру;
• Жаңа оқу жылында жас мамандардың бастапқы қажеттіліктерін анықтау және әдістемелік жұмыстың түрін таңдау;

Жұмыс түрі:

 Психологпен, тәжірибелі ұстаздармен, оқу –тәрбие ісінің орынбасарымен кездесу; 

Ашық сабақтар (мастер-класс), психологиялық тренингтер;

Іскерлік ойындар;коучинг  .  Семинарлар;    Сауалнама жүргізу, микрозерттеулер    

2018-2019 оқу жылында 19 жас маманға тәлімгер тағайындалып, жоспар құрылып,  жұмыстар атқарылды. Жас мамандардың кәсіби іс-әрекетін зерттеу   барысында  мектеп әкімшілігі тарапынан жоспар негізінде сабақтарға   қатыстық.  Жоспар бойынша жас ұстаздар  сабақтарға қатысып, әдістемелік кеңестер алып отырады. Әрбір жас маман педагогикалық идеялар папкасын жинақтайды. Онда өздеріне әдіскер, тәлімгер тарапынан, өздерінің іздеулері бойынша қажетті нұсқаулықтар, сабақ жоспарларының үлгілері, жазылған кеңестер жинақтайды. Жаңадан келген мамандарға  мектептің тыныс тіршілігімен таныстыру, жұмыс жүйесін түсіндіру т.с.с. жұмыстары жүргізіліп, бейімделу шаралары ұйымдастырылды.Жас және жаңадан келген мамандар әр аптаның сәрсенбі күні әдістемелік кабинетте қажетті кеңестерін алып отырады.  

Жас мамандармен  тәлімгерлер тарапынан : құжаттармен жұмыс, күнтізбе жоспарларының бағдарламаға сай болуына байланысты  үйрету кеңестері жүргізіліп отырды . 

Жас мамандардың сабақтарына қатыса отырып төмендегі кемшіліктерді байқадық: сабақтарын жоспарлау , сабақ құрылымының сақталмауы , сабақ типін ажырата білмеуін байқадық.

Осы бағытта жас мамандарға жыл бойы оқыту семинарлары мен коучингтер жоспарланған. Әдістемелік көмек , тәлімгерлер мен тәжірибелі мұғалімдердің сабақтарына қатысу туралы жас мамандармен әңгімелесу жүргізілді . 

2018-2019 оқу жылы бойынша 4 теориялық семинар коучингтер өткізілді.

1.Жас мамандарға қатысты нормативтік-құқықтық құжаттармен жұмыс

2.Еңбек кодексімен таныстыру

3.Тренинг . 

Семинарға қатыса отырып жас ұстаздар нормативтік –құжаттармен жұмыс / сынып журналдары, оқушының іс-қағазы  т.б / ,   кәсіподақ ұйымының төрағасы А.Қарғабаева жаңа қабылданған Еңбек кодексімен таныстырды.

Психолог М.А.Нуржакипова тренинг жүргізді . А. Бекшебаева «Жаңартылған білім мазмұны-жаңаша әлем» тақырыбында коучинг жүргізді.                           Л. Ворошилова «Сабақ жүргізудегі қажетті 5 құжат» туралы өз тәжірибесімен бөлісті. Н.Айтбаевна « Бастауыш сыныптарда критериалды бағалау әдісінің жүргізілуі» тақырыбында семинар тренинг жүргізді.

1.ХХІ ғасыр ұстазының моделі 

2.Тренинг «Оқушылардың пәнге қызығушылығын қалай арттыруға болады.»

3.Сынып жетекшісі жұмысының әдістемесі

№2 теориялық семинарға 12 жас маман қатысып ,топтық жұмыс арқылы  21 ғасыр моделінің жобасын қорғап ,өз білімдерін көрсете білді .

Атап айсақ жас мамандар А.Маратова,    М.Сапарбаева белсенділік танытып коучингке қатысты.