«Оқуға құштар мектеп» жобасы
«№4 орта мектеп кітапханасында «Оқуға құштар мектеп» жобасы аясында ақын-жазушылардың шығармаларын насихаттау мақсатында Мұқағали Мақатаевқа арналған іс-шаралар да үздіксіз жүргізіліп, жоба бағыттары жүзеге асырылуда.
Мектеп оқушылары осы бағыттағы түрлі сайыстарға қатысып, жүлделі орындарға ие болды.
«BILIMGER.KZ» Республикалық білім порталы ұйымдастырған балалар арасындағы «Мұқағали оқулары» атты мәнерлеп оқу байқауында үздік танылып І ОРЫНДЫ жеңіп алған 5 сынып оқушысы Өскенбай Айару, 4 сынып оқушысы Серікқызы Нұрай марапатталды.
"Жақсы кітап - ақылдың кені, кісіліктің кілті" демекші мектеп оқырмандарын әдеби кітаптарды оқуға шақырамыз.
Алдағы уақытта «Оқуға құштар мектеп» жобасы кітапқұмар, рухы биік ұлт деген мәртебелі атымызды жаңғыртуға септігін тигізетін игі бастама екеніне сенімім мол..
